«Арсенал» бош мураббийи Микел Артета АПЛ 27-туридан ўрин олган «Тоттенҳэм»га (4:1) қарши баҳсдан кейин ўз фикрларини билдирди.

«Жуда хурсандман. Кўрсатган ўйинимиз бидан жуда фахрланаман. Бу ерга сифатли футбол билан келганимиз ва айнан шундай тарзда ғалаба қозонганимиздан мамнунман. Футболнинг гўзаллиги ҳам шунда.

«Вулверҳэмптон»га қарши баҳсни эсласам, ўшанда қандай қилиб дуранг ўйнаб қўйдик? Ҳар куни футболчилар билан бирга бўлдим ва улар ғалабаларни қанчалик кучли исташларини биламан.

Гокерешнинг дубли? Бугун у ажойиб ўйин кўрсатди. Биз унинг айрим жиҳатларини ҳар ҳафта кўриб келаётгандик, аммо бугун, менимча, у шунчаки қойилмақом даражада эди.

Эзенинг дубли? Унда ўзига бўлган ишонч бор. Ундан жуда мамнунман. У ҳақиқатан ҳам жамоамиз талабларига мослашиш ва ўз ўйинини сингдириш учун қаттиқ ҳаракат қилмоқда.

Бу — Премер-лига. Бу ерда ҳаммаси фақат энг охирида ҳал бўлади, шубҳасиз. АПЛдаги 10 та ўйин — бу ҳали жуда узоқ йўл», — дея испаниялик мутахассиснинг сўзларини келтиради ВВС.